ᑐᑦᑕᕐᕕᖓ > ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐱᕙᓪᓕᐊᓂᖅ > ᐅᒃᐱᕆᔭᕕᓂᑐᖃᐃᑦ ᐊᖓᒃᑯᐃᓪᓗ > ᓈᓴᐅᑎᒻᒪᕆᖓ 4: ᐊᖓᒃᑯᐃᑦ ᐱᓕᕆᓂᖏᑦ ᕿᓚᓂᕐᓗ

ᓈᓴᐅᑎᒻᒪᕆᖓ 4: ᐊᖓᒃᑯᐃᑦ ᐱᓕᕆᓂᖏᑦ ᕿᓚᓂᕐᓗ

ᐅᖃᖅᑕᐅᓯᒪᔪᑦ:
ᒥᐊᓕᐋᓄ ᐊᐅᐱᓛᕐᔪᒃ

ᕿᓚᔪᑐᖃᑦᑕᓚᐅᖅᓯᒪᓐᖏᑦᑐᑦ ᐊᖓᒃᑯᐃᑦ. ᑭᓇᑐᐃᓐᓇᖅ ᑕᐃᒪᐃᒍᓐᓇᓚᐅᖅᑐᖅ. ᐊᓪᓛᖃᐃ ᓇᓂᖅᓯ ᕿᓚᒍᓐᓇᖅᑐᖅ. ᑕᒪᓐᓇ ᑕᒻᒪᓂᐅᓐᖏᑦᑐᖅ ᐱᐅᓐᖏᑦᑐᐊᓘᓐᖏᑦᑐᕐᓘᓐᓃᑦ. ᐱᐅᓐᖏᑦᑐᓕᑎᑦᑎᒐᓱᐊᓐᖏᑦᑐᒍᓪᓕ. ᐊᖓᒃᑯᖏᑦᑐᖓ. ᖃᐅᔨᒪᕈᔨᑦᑎᐊᖅᑯᖓ ᑕᒪᑐᒥᖓ. ᐆᑦᑐᕋᑐᐃᓐᓇᖅᑐᖓ. ᑐᑭᓯᐅᒪᑦᑎᐊᕐᓂᐊᖅᑯᓯ ᐊᖓᒃᑰᖏᓐᓇᒪ. ᐅᑉᐱᖅᑐᔪᖓ. ᑭᓯᐊᓂᓕ ᑕᑯᓐᓇᑎᓐᓂᐊᖅᑲᔅᓯ ᖃᓄᖅ ᕿᓚᒋᐊᖃᕐᒪᖔᔅᓯ. ᑕᑯᓐᓇᑎᑦᑎᓂᑦ ᑕᑯᑎᒐᓱᐊᕐᓂᐊᕆᕙᔅᓯ ᐃᓄᐃᑦ ᐱᖅᑯᓯᖏᓐᓂ. ᐊᖓᒃᑯᓕᕆᒐᑦᑕ, ᖃᐅᔨᒪᓂᐊᖅᑯᓯ ᐊᖓᒃᑯᑐᐊᑦ ᕿᓚᖃᑦᑕᓚᐅᖅᓯᒪᓐᖏᒻᒪᑕ, ᑭᓯᐊᓂᓕ ᐊᖓᒃᑯᐃᑦ ᕿᓚᒃᑳᓘᕙᔪᔪᑦ. ᕿᓚᓪᓚᕆᑦᑐᐊᓘᔾᔮᖏᑦᑐᖓ, ᐊᔪᕆᖅᓱᐃᔾᔨᑐᐃᓐᓇᕐᓂᐊᖅᑐᖓ ᖃᓅᒻᒪᖔᖅ. ᕿᓚᓪᓚᕆᑦᑎᐊᓘᒍᒪ ᖃᐅᔨᒍᓐᓇᖅᑐᖓ ᐃᓕᔅᓯ ᒥᔅᓵᓄᑦ, ᐊᓪᓛᒃ ᐅᖃᕈᒪᓐᖏᑕᕋᓗᐊᔅᓯᓐᓂ. ᐊᖓᒃᑯᕐᓄᑦ ᐊᑐᖅᑕᐅᕙᔪᔪᑦ ᐅᖃᐅᓰᑦ ᐊᑐᕐᓂᐊᕆᕙᒃᑲ. ᑐᕐᖓᐃᓪᓗ ᐅᖃᐅᓰᑦ ᐊᑐᖃᑦᑕᖅᑕᒥᓂᖏᑦ ᐊᑐᕐᓂᐊᕆᕙᒃᑲ ᐊᔪᕆᖅᓱᐃᔾᔨᑎᓪᓗᖓ. ᑕᐃᒃᑯᐊ ᕿᓚᑦᑎᐊᒃᑲᐅᕙᔪᔪᑦ ᕿᓚᒍᓐᓇᓚᐅᖅᓯᒪᔪᑦ ᐊᓪᓛᒃ ᐅᔭᕋᑲᓪᓚᕈᓗᑐᐃᓐᓇᕐᒥᑦ ᐊᑐᕐᓗᑎᒃ. ᐊᔪᕆᖅᓱᐃᔾᔨᓂᐊᕋᒪ. ᐊᑐᖅᑕᐅᓚᐅᖅᓯᒪᒻᒥᔪᖓ ᐊᖓᒃᑯᕐᒧᑦ ᐃᓚᔪᒧᑦ. ᕿᓚᒍᓐᓇᖃᑦᑕᓚᐅᖅᓯᒪᔪᑦ ᐊᖓᒃᑯᐃᑦ ᐃᓄᑐᐃᓐᓇᕐᓗ. ᐊᓪᓛᖃᐃ ᓇᓕᖅᓯ ᕿᓚᒍᓐᓇᕋᔭᖅᑐᖅ. ᐱᓐᖑᐊᕐᓂᕈᓗᑐᐃᓐᓇᐅᓐᖏᑦᑐᖅ. (ᒪᑉᐱᒐᕐᒥ 74-75) 

ᐅᓂᒃᑳᖅᑐᖅ:
ᐊᖓᒃᑯᐃᑦ ᐃᖃᓗᒐᓱᐊᖃᑦᑕᕆᐊᖃᖅᑎᒃ ᐊᓯᕙᖃᑦᑕᖅᑐᑎᓪᓗ ᐃᓚᒥᓄᑦ, ᑭᐅᔭᕆᐊᖃᖅᑐᑎᓪᓗ ᑐᔅᓯᕋᖅᑐᓂᒃ ᐊᓯᖏᓐᓂ ᐃᓚᒌᓐᓂᒃ ᓄᓇᓕᓐᓂᓪᓗ. ᕿᓚᒐᔪᖃᑦᑕᓚᐅᖅᑐᑦ, ᐃᑲᔫᑎᐅᕙᑦᑐᑦ ᑭᓇᑐᐃᓐᓇᕐᒧᑦ. ᕿᓯᐅᔭᕐᒥᑦ ᐊᑐᖅᑎᒃ ᐊᓯᐊᓂᓗ. ᑕᕐᓂᖅ ᐃᓯᕋᔭᖅᑐᖅ ᓱᓇᑐᐃᓐᓇᕐᒧᑦ, ᐅᕿᓪᓕᑎᑉᐸᓪᓕᐊᓗᓂᐅᒃ ᐅᖁᒪᐃᓪᓕᑎᑉᐸᓪᓕᐊᓪᓗᓂᐅᓪᓗ ᐊᐱᖅᑯᓯᐅᔪᒧᑦ ᐃᑲᔪᕋᓱᐊᖅᑐᓂ. ᕿᓚᒐᔭᖅᑐᖅ, ᐆᑦᑐᑎᒋᓗᒍ, ᖃᐅᔨᒐᓱᐊᕐᓗᑎᒃ ᓱᒻᒪᑦ ᓄᓇᓕᒃ ᐊᔅᓱᕈᓗᐊᕐᒪᖔᖅ. ᐊᖓᒃᑯᓕᕆᑦᑎᐊᕐᓂᖅ ᐊᑐᕋᔭᖅᑐᖅ ᓴᑲᓂᕐᒥᑦ ᑐᕐᓂᕐᒥᓪᓗ, ᐃᓄᑐᐊᖑᒍᓐᓇᖅᑐᓂᑦ ᑭᒃᑯᑐᐃᓐᓇᕐᓄᓪᓘᓐᓃᑦ. ᑳᓐᓇᑎᓪᓗᒍ, ᐊᖓᒃᑯᑦ ᓇᒻᒥᓂᖅ ᑲᐱᖃᑦᑕᕋᔭᖅᑐᖅ ᐊᔪᕆᓪᓗᓂ ᓂᕐᔪᑎᒥᒃ ᑕᒪᐃᒃᑲᔭᕐᖓᑕ ᖃᓪᓕᑎᒐᓱᐊᖅᑐᓂᒋᑦ ᓄᓇᓕᒻᒧᑦ. ᓄᓇᕌᓗᒃ ᐊᐅᐱᓛᕐᔪᓪᓗ ᐅᖃᖅᑐᐃᓐᓇᐅᓚᐅᖅᑐᒃ ᐃᑲᔪᕐᓂᖃᑦᑎᐊᕆᐊᖏᓐᓂ ᐊᖓᒃᑯᐃᑦ. ᐊᖓᒃᑯᓪᓚᕆᐊᓗᐃᑦ ᖃᖓᑕᒍᓐᓇᓚᐅᖅᑐᑦ ᓯᓚᒃᑯᑦ ᐊᓯᐊᓅᖅᑐᑎᒃ ᓄᓇᓕᒻᒧᑦ, ᐃᓕᒻᒪᑐᖅᑐᑦ: ᕿᓚᒃᑰᖅᑐᓂ, ᐸᕝᕗᖔᖅᑐᑦ; ᓄᓇᐅᑉ ᐃᑭᐊᖓᒎᖅᑐᑎᒃ, ᓇᒃᑲᖅᑐᑦ. ᐊᖓᒃᑯᐃᑦ ᐋᖅᑮᕙᓚᐅᖅᑐᑦ ᓂᕆᑎᑦᑎᓂᕐᒥᑦ ᓴᑲᓂᕐᒥᓪᓗ, ᐅᑭᐅᒃᑯᑦ ᐊᑐᖅᑕᐅᓂᐊᖅᑐᓂᒃ. ᖃᐅᔨᒍᓐᓇᓚᐅᖅᑐᑦ ᐱᐅᓐᖏᑦᑐᓂᒃ ᐃᓱᒪᒋᔭᐅᔪᓂᒃ ᓄᓇᓕᓐᓂᑦ, ᐃᑲᔪᖅᑐᖏᑦ ᐱᐅᓂᖅᓴᒥᑦ ᐊᖅᑯᑎᖃᖁᓪᓗᒋᑦ ᓯᕿᓂᕐᒧᑦ ᐊᑦᑕᓇᖅᑐᒦᖁᓇᒋᑦ ᖃᓂᒻᒪᖁᓇᒋᓪᓗ.

ᐃᓚᖓ II: ᐊᐱᖅᓱᕐᓂᖅ ᐃᒡᓗᓕᒻᒥ 1972-ᒥ.