ᑐᑦᑕᕐᕕᖓ > ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐱᕙᓪᓕᐊᓂᖅ > ᐱᒋᐊᕈᑎᑦ > 6

Photo Tatoo

Photo dogteams colours

6

ᐅᖃᖅᑕᐅᓯᒪᔪᑦ:
ok
ᐅᓂᒃᑳᖅᑐᖅ:
ᓇᐃᓪᓕᑎᖅᓯᒪᔪᑦ ᐅᓂᒃᑳᖅᑐᐊᑐᖃᐃᑦ

ᐅᓂᒃᑳᖅᑐᐊᑦ

ᖃᓄᐃᑦᑐᓂᖏᑦ
ᑖᓐᓇ ᐅᓂᒃᑳᖃᖅᑐᖅ ᐋᓕᒃᓰᓇᐅᑉ ᑯᑉᓘᑉ ᐅᓂᒃᑳᖏᓐᓂ, ᐱᓗᐊᖅᑐᒥᑦ ᐊᑖᑕᖓᑕ ᐅᓂᒃᑳᕆᖃᑦᑕᖅᑕᒥᓂᖏᓐᓂ ᐃᓅᓂᖓᓂ. ᐅᓂᒃᑳᖃᖅᑐᓂᓗ ᓄᓇᐅᑉ ᒪᓐᓂᖏᓐᓂ ᒪᕆᓘᓯ ᐅᕕᓘᑉ ᐅᓂᒃᑳᓕᐊᕆᓚᐅᖅᑕᖓᓐᓂ ᐅᓂᒃᑳᖅᑐᐊᒥᓂᖏᓐᓂ ᐊᑖᑕᖓᑕ ᔪᐊᔾ ᐊᐱᐊᖅ ᑲᑉᐱᐊᓇᐅᑉ, ᐅᓂᒃᑳᖅᑐᐊᕐᓗ ᑕᓖᓪᓚᔫᑦ ᐅᓂᒃᑳᕆᓪᓗᓂᐅᒃ ᒫᑭ ᑲᒃᑭᐅᑉ ᓂᖏᐅᖓᑕ ᐅᓂᒃᑳᒥᓂᖏᓐᓂ, ᒥᐊᓕ ᑐᑦᑐᑉ, ᐊᒻᒪᓗ ᓗᒫᔪᖅ ᑕᐱᐊ ᑮᓇᐃᓐᓇᐅᑉ ᐅᓂᒃᑳᕆᓪᓗᓂᒋᑦ ᐃᓐᓇᕐᓂᑦ ᑐᓴᖅᑕᒥᓂᖏᓐᓂ (ᒪᑉᐱᒐᖅ 171)
ᐅᐃᓂᒍᒪᓱᐃᑦᑐᖅ
ᑖᓐᓇ ᐅᓂᒃᑳᖅ ᐱᖓᓲᓕᖅᑲᖓᔪᖅ, ᐃᓅᓱᑦᑐᒥᑦ ᐊᕐᓇᕐᒥᑦ ᐊᑎᖃᖅᑐᖅ ᐅᐃᓂᒍᒪᓱᐃᑦᑐᒥᑦ, ᑲᑎᑎᑕᐅᒍᒪᓐᖏᑦᑐᒥᑦ. ᓯᕗᓪᓕᖅᐹᒥ, ᐊᑖᑕᖓᑕ ᕿᒻᒥᓂᒃ ᐅᐃᓂᑦᑎᒐᓱᐊᓚᐅᖅᓯᒪᓪᓗᓂᐅᒃ, ᕿᑐᕐᖓᖅᑖᕐᕕᒋᓪᓗᓂᐅᒃ ᐊᓪᓚᕈᖅᑐᑎᒃ, ᖃᓪᓗᓈᓪᓗ ᐃᔨᕋᐃᓪᓗ. ᑭᖑᓂᖓᓂ ᑲᑎᑎᑕᐅᓕᕆᓪᓗᓂ ᖃᖁᓪᓗᕐᒧᑦ ᐊᑖᑕᖓᑕᓗ ᐊᐃᓵᖅᑐᓂᐅᒃ, ᐊᓯᔾᔨᓕᕆᓪᓗᓂ ᓴᓇᔨᐅᓪᓗᓂ ᐸᖅᑭᑦᑎᔨᐅᓕᖅᑐᓂ ᐃᒪᕐᒥᐅᑕᕐᓂᑦ. ᑕᐃᒪᓕ, ᑕᑲᓐᓈᓗᕈᖅᑐᓂ ᐃᒪᕐᒥᐅᑕᕐᓂᑦ ᐃᑎᔪᒦᑎᑦᑎᒋᐊᖅᐸᑦᑐᓂ ᓂᓐᖓᐅᒪᓕᕋᐃᒻᒪᑦ.
ᐊᓂᖓ ᑕᐅᑐᓕᖅᑎᑕᐅᕗᖅ ᖃᖁᓪᓗᕐᒧᑦ
ᑕᖅᑭᖅ, ᑕᐅᑐᓐᖏᑦᑐᖅ ᐊᖑᑦ, ᓇᔭᒻᒥᓂᒥᐅᑕᖅ ᓯᕿᓂᕐᒥᑦ ᐊᕐᓇᔅᓴᖓᓂᓪᓗ, ᐊᑖᑕᖓ ᑐᖁᓚᐅᖅᓯᒪᓪᓗᓂ ᐅᑭᐅᒃᑯᑦ. ᐅᐹᔭᖅᑕᐅᓯᒪᑎᓪᓗᒋᑦ ᓇᓄᕐᒧᑦ, ᐊᕐᓇᔅᓴᖓᑕ ᑕᓕᖓ ᑕᖅᑭᐅᑉ ᑐᕌᖅᑎᑦᑎᓪᓗᓂ ᓇᓄᕐᒥᑦ ᐃᕐᓂᖅᓴᖓᓂ. ᑐᖁᑦᑐᓂᐅᒃ, ᑭᓯᐊᓂᓕ ᐊᕐᓇᔅᓴᖓᑕ ᐱᓂᕋᕐᓇᓂᐅᒃ ᐃᒐᓛᑉ ᓯᓇᕐᔪᐊᓅᑐᐃᓐᓇᕐᓂᕋᖅᑐᓂᐅᒃ ᖃᕐᔪᒃ. ᐋᖅᑐᖅᑐᓂᐅᒃ ᐆᒪᔪᖅᑕᖓ, ᓇᓄᒥᓂᖅᑐᖅᑎᖔᖃᑦᑕᕐᓇᓂᐅᒃ, ᕿᒻᒥᓂᒃ ᑐᖁᑦᑐᓂᐅᒃ ᕿᒥᕆᖃᑦᑕᖅᑕᒥᓂᖓ ᐊᕐᓇᔅᓴᖓᑕ ᕿᒻᒥᒥᓂᕐᒥᑦ. ᐃᓚᖓᓐᓂᓕ ᑕᐃᒪ ᐅᓪᓗᖓᓐᓂ, ᓯᑯᐃᔭᓕᕐᖓᑦ ᑕᓯᖅ, ᑕᖅᑭᖅ ᑭᓪᓕᖓᓅᖅᑐᓂ ᓇᔭᖓᑕ ᒪᓕᑦᑐᓂᐅᒃ, ᐅᑎᑦᑕᐅᑎᒋᓪᓗᓂᓪᓕ ᓇᔭᖓ. ᖃᓗᕐᓗᕐᒧᑦ ᐅᐸᑦᑕᐅᓪᓗᓂ ᑕᖅᑭᖅ ᐊᐱᕆᓪᓗᓂ ᐊᑭᒋᐊᕈᒪᒻᒪᖔᖅ. ᐊᖅᑲᖅᑎᖃᑦᑕᓚᐅᖅᑐᓂᐅᑉ ᖃᖁᓪᓘᑦ ᑕᓯᕐᒧᑦ, ᑕᖅᑭᖅ ᑕᐅᑐᓕᓚᐅᖅᓯᒪᕗᖅ.
ᐊᕐᓇᔅᓴᖓ ᑐᒑᓕᕈᖅᑐᒥᓂᖅ
ᐊᕐᕙᓂᐊᖅᑎᖃᖃᑦᑕᑎᓪᓗᒍ, ᐊᓂᖓ ᓇᐅᓕᖅᓯᓚᐅᖅᓯᒪᕗᖅ ᕿᓚᓗᒐᕐᒥᑦ, ᐊᔭᖓᑕ ᐅᖁᒪᐃᓐᓂᖓᓐᓂ ᐊᑐᖅᑐᓂ. ᐊᕐᓇᔅᓴᖓ ᐅᖃᖅᑐᓂ ᓇᒻᒥᓂᖅ ᐅᖁᒪᐃᓐᓂᖓᓐᓂ ᐊᑐᖁᔨᓪᓗᓂ ᐊᖏᓂᖅᓴᒥᑦ ᑐᖅᓯᓂᐊᕐᖓᑦ. ᐊᓱᐃᓪᓛᓪᓕ ᑕᐃᒪᐃᓕᖅᑐᓂ. ᕿᓚᑦᑐᓂᒃ ᕿᑎᖓᒍᑦ ᐊᕐᓇᐅᑉ ᓱᑲᑦᑖᓗᒋᓪᓗᒍᓗ. ᓇᐅᓕᖅᓯᓪᓗᓂ ᐊᖏᔪᐊᓗᒻᒥᑦ ᐊᕐᓇᔅᓴᖓᓪᓗ ᐃᒫᖅᑐᓂ ᐊᓱᐃᓪᓛᓪᓕ ᑐᒑᓕᕈᖅᑐᓂ.
ᑯᑭᓕᒋᐊᑦᑎᐊᑦ
ᑖᓐᓇ ᐅᓂᒃᑳᓕᒃ ᓇᔭᒌᓐᓂᒃ ᑲᑎᓯᓚᐅᖅᓯᒪᔫᓐᓂᒃ ᑯᑭᓕᒋᐊᑦᑎᐊᕐᒥᑦ. ᓇᔭᖓ ᓂᕆᔭᐅᑲᓴᑦᑐᓂ ᕿᓂᕆᐊᖅᓯᒪᑎᓪᓗᒍ ᐊᓂᒥᓂᒃ ᐃᒪᕐᒧᑦ. ᓇᔭᖓ ᖃᐃᒐᓛᖅᑎᓪᓗᒍ ᑐᓴᖅᑐᓂᐅᒃ, ᐊᐃᔅᓯᓵᕋᓱᓕᖅᑐᒥᓂᖅ ᑐᖁᑦᑎᓪᓗᓂᓗ ᑯᑭᓕᒋᐊᖅᑎᐊᕐᒥᑦ.
ᐃᑎᖃᓐᖏᑦᑐᖅ
ᑖᓐᓇ ᐅᓂᒃᑳᖃᖅᑐᖅ ᑕᖅᑭᒥᑦ ᓯᕿᓂᒥᓪᓗ (ᓇᔭᒌᓐᓂᒃ) ᓯᓚᑦᑎᐊᕙᐅᑎᓪᓗᒍ ᓄᓇᓕᒨᖅᑐᑎᒃ ᐃᑎᖃᓐᖏᑦᑐᓂᒃ ᐃᓄᓐᓂᒃ. ᐊᓂᖓ ᓄᓕᐊᖅᑖᖅᑐᓂ ᓇᔭᖓᓗ ᐅᐃᑖᖅᑐᓂ. ᑭᓯᐊᓂᓕ ᐃᑎᖃᓐᖏᑦᑐᑦ ᐊᓪᓛᒃ ᐅᓱᖃᓐᖏᑦᑐᑦ/ᐅᑦᑐᖃᓐᖏᑦᑐᑦ. ᖁᐊᖅᓵᖅᑐᒻᒪᕆᐅᓪᓗᑎᒃ ᓯᕿᓂᖅ ᓇᔾᔨᓕᕐᖓᑦ ᐃᕐᓂᑦᑎᐊᖅᑐᓂᓗ.
ᐊᓂᖓ ᓇᔭᖓᓗ ᓯᕿᓐᓂᕈᓚᐅᖅᓯᒪᔪᑦ ᑕᖅᑭᕈᖅᑐᑎᓪᓗ
ᐃᕐᓂᓚᐅᖅᑎᓪᓗᒋᑦ ᐃᓄᖃᓐᖏᑦᑐᒥ, ᓯᕿᓂᖅ ᐅᓐᓄᐊᒃᑯᑦ ᐋᓐᓂᖅᑕᐅᓪᓗᓂ. ᓯᓚᐃᕐᕆᑦᑎᓇᓱᐊᖅᑐᓂ, ᖃᐅᔨᓚᐅᖅᓯᒪᔪᖅ ᐊᓂᖓᑕ ᑲᒪᒋᖃᑦᑕᖅᑕᒥᓂᖓ. ᐃᕕᐊᖏᖏᑦ ᐱᓚᑦᑐᓂᒋᑦ ᑐᓂᓪᓗᓂᒋᑦ ᐊᖑᒻᒧᑦ. ᓯᓚᒨᖅᑐᓂ ᐅᓪᓚᔅᓴᕋᓕᖅᑐᖅ ᑲᐃᕙᑦᑐᓂᐅᒃ ᐃᓪᓗᕕᒐᖅ, ᓇᔭᖓᑕ ᐅᓪᓛᕆᓪᓗᓂᐅᒃ. ᑕᐃᒪᓐᖓᓂ, ᓯᕿᓂᖅ ᐅᓪᓛᕆᑦᑎᓐᓇᓕᖅᑐᖅ ᑕᖅᑭᒥᑦ ᕿᓚᒻᒥ.
ᓱᒻᒪᑦ ᐃᓪᓗᕕᒐᐃᑦ ᐃᖏᕐᕋᖃᑦᑕᕈᓐᓃᕐᒪᖔᑕ
ᐅᐊᑦᑎᐊᕈᐊᓘᓚᐅᖅᓯᒪᔪᖅ, ᐃᓄᐃᑦ ᕿᒧᔅᓯᒃᑰᖃᑦᑕᑎᓐᓇᒋᑦ, ᑭᓯᐊᓂᓕ ᐃᓪᓗᕕᒐᒃᑰᖃᑦᑕᓚᐅᖅᓯᒪᔪᑦ. ᑕᐃᒫᒃ, ᓱᓇᒃᑯᑖᖏᓐᓂ ᓇᔅᓴᐃᓐᓇᖃᑦᑕᓚᐅᕐᖓᑕ. ᐃᓪᓕᑎᖓᓅᖅᑐᑎᒃ ᐃᓪᓗᕕᒐᖅ ᐃᖏᕐᕋᕙᑦᑐᓂ ᓯᓂᓕᕋᐃᒻᒪᑕ ᐃᓄᖏᑦ. ᐃᓪᓗᕕᒐᖅ ᖃᖓᑕᓂᖓᓂ, ᓇᓂᖃᕈᓐᓃᖃᑦᑕᖅᑐᓂ. ᐃᓚᖓᓐᓂᓪᓗ, ᓱᕈᓯᕐᒥᑦ ᐃᔪᒃᑲᖅᑐᖃᓚᐅᖅᓯᒪᕗᖅ ᑐᖁᓪᓗᓂᓗ. ᑕᐃᓕ ᐊᖓᒃᑯᑦ ᐊᖓᒃᑯᔅᓯᓕᓚᐅᖅᓯᒪᕗᖅ ᐃᓪᓗᕕᒐᐃᑦ ᖃᖓᑕᖃᑦᑕᖁᒍᓐᓃᖅᑐᓂᒋᑦ.
ᐃᕐᖑᑖᐱᒐᓕ?
ᑖᓐᓇ ᐅᓂᒃᑳᖅᑐᐊᖅ ᐃᕐᖑᑕᖓᓂ ᐊᕐᓇᒥᑦ ᔭᒐᑲᓪᓚᓚᐅᖅᓯᒪᔪᒥᑦ. ᑲᑉᐱᐊᓱᓕᖅᑐᓂ, ᓂᖏᐅᖓ ᐃᓪᓗᕕᒐᕐᒥ ᕿᓂᖅᑐᓂ, ᕿᐊᓪᓗᓂᓗ. ᓇᓂᓐᖏᒻᒪᒍ, ᑲᒥᑦᑐᓂ ᓯᓚᒧ ᕿᓂᕆᐊᓕᓚᐅᖅᓯᒪᕗᖅ. ᐊᑯᓂᐊᓗᒃ ᕿᓂᖅᑐᓂ ᕿᐊᓪᓗᓂᓗ ᕿᐊᓗᐊᒧᑦ ᐅᑎᓕᓚᐅᖅᑐᖅ ᐊᕿᒡᒋᐅᓪᓗᓂ.
ᓄᓇᐅᑦ ᒪᓐᓂᖏᑦ
ᒪᕐᕉᓐᓂᒃ ᐊᔾᔨᒌᓐᖏᑦᑐᓂᒃ ᒪᓐᓂᑦᑕᖃᕐᖓᑦ. ᑎᒻᒥᐊᑦ ᒪᓐᓂᖏᑦ ᒪᓐᓃᓪᓗ ᐱᕈᖅᐸᑦᑐᑦ ᓄᓇᒥ. ᒪᓐᓂᐅᒍᓐᓃᕋᐃᒻᒪᑕ ᐆᒻᒪᐸᑦᑐᑦ ᓂᕐᔪᑎᐅᓪᓗᑎᒃ ᓲᕐᓗ ᑐᑦᑐᐃᑦ ᓇᓄᐃᓪᓘᓐᓃᑦ. ᑕᒪᒃᑯᐊ ᒪᓐᓃᑦ ᓇᓂᔭᔅᓴᐅᒻᒥᔪᑦ ᐃᒫᓂ, ᐃᒪᕐᒥᐅᑕᑎᑐᑦ ᓂᕐᔪᑎᕈᖅᑐᑎᒃ. ᑕᒪᒃᑯᐊ ᒪᓐᓃᑦ ᐆᒪᔪᕈᕋᐃᒻᒪᑕ ᐊᖏᓂᖅᓴᒻᒪᕆᐅᕙᑦᑐᑦ ᐆᒪᔪᖅᑕᐅᒋᐊᖃᓐᖏᑦᑐᑦ ᑭᓯᐊᓂ.
ᑕᓖᓪᓚᔫᑦ
ᑕᓖᓪᓚᔫᑦ, ᐅᑭᐅᖅᑕᖅᑐᒥ ᑕᐃᔭᐅᕗᑦ ᖃᐅᔨᓴᖅᑏᑦ, ᐃᓅᕐᔫᔮᖅᑐᑦ ᐃᒪᕐᒥᐅᑕᐅᓪᓗᑎᒃ, ᐃᖃᓘᔮᖅᑐᑎᓪᓗ. ᒥᐊᓕ ᐅᓂᒃᑳᖃᖅᑐᖅ ᒫᑭᐅᑉ ᓂᖏᐅᖓ ᐱᑦᑎᐊᕆᐊᖃᕐᓂᑎᓐᓂ ᑕᓖᓪᓚᔫᓐᓂᒃ ᑭᓇᑐᐃᓐᓇᕐᓗ ᓇᓂᓯᒍᓂ ᑕᓖᓪᓚᔫᕐᒥᑦ ᑎᓂᓐᓂᕐᒥ, ᐃᒪᕐᒨᕈᔾᔨᑦᑕᐅᑎᒋᒋᐊᖃᖅᑐᖅ. ᑕᓖᓪᓚᔫᑦ ᐃᑲᔪᕈᓐᓇᕐᖓᑕ ᐊᓯᔭᖅᑎᓂᒃ ᐃᒫᖅᑐᖃᕐᓂᖅᑲᑦ.
ᓗᒫᔪᖅ
ᓗᒫᔪᖅ ᐅᓂᒃᑳᖅᑐᐊᖅ ᑕᐅᑐᓐᖏᑦᑐᖅ ᑕᐅᑐᓕᖅᑎᑕᐅᓯᒪᓪᓗᓂ ᖃᖁᓪᓗᕐᒧᑦ, ᑕᕝᕙᓂᓕ ᐊᖅᑲᖅᑎᑕᐅᕙᓐᖏᑦᑐᖅ ᐃᒪᕐᒧᑦ, ᑭᓯᐊᓂᓕ ᖃᖁᓪᓘᑉ ᐃᓕᖏᑦ ᐊᓗᑉᐸᑦᑐᓂᒋᑦ. ᑕᐅᑐᓕᕐᖓᑦ, ᐊᖑᑦ ᕿᓚᓗᒃᑭᐊᖃᑎᖃᖅᑐᓂ ᓇᔭᒻᒥᓂᒃ ᐊᓈᓇᒥᓂᓪᓗ. ᐊᖏᔪᐊᓗᒻᒥ ᕿᓚᓗᒐᕐᒥᑦ ᑐᖅᓯᓪᓗᓂ ᕿᓚᑦᑐᓂᐅᓪᓗ ᐊᓈᓇᖓᑕ ᕿᑎᖓᒍᑦ, ᐊᒧᔭᐅᓪᓗᓂ ᕿᒪᕐᒧᑦ ᐊᓈᓇᖓ. ᐳᐃᓂᖅᑕᒫᑦ, ᐊᕐᓇᖅ ᕿᐊᓪᓗᓂ ᐅᖃᖅᐸᑦᑐᖅ ᓗᒫᖅ.