ᑐᑦᑕᕐᕕᖓ > ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐱᕙᓪᓕᐊᓂᖅ > ᐱᒋᐊᕈᑎᑦ > e

Photo Dogs and shacks Clyde couleur

Photo Dance of the Copper Eskimos

Photo Akomalee of Baffin Island

e

ᐅᖃᖅᑕᐅᓯᒪᔪᑦ:
ok
ᐅᓂᒃᑳᖅᑐᖅ:
ᓇᐃᓪᓕᑎᖅᓯᒪᔪᑦ ᐅᓂᒃᑳᓕᐊᖑᓯᒪᔪᑦ

ᐅᓂᒃᑳᑦ

ᑖᓐᓇ ᐃᓗᓕᖃᖅᑐᖅ ᑎᑎᕋᖅᑕᐅᓯᒪᔪᓂᒃ ᐃᓕᓐᓂᐊᖅᑎᓄᑦ ᓇᒻᒥᓂᖅ ᓂᕈᐊᕆᓯᒪᔭᖏᑦ.

ᐊᔪ ᐲᑕ
ᑕᖅᑭᖅ, ᓯᓚ ᐅᓪᓗᕆᐊᓪᓗ
ᐋᔪ ᐲᑕ ᐅᓂᒃᑳᖏᓐᓂ, ᐃᓄᐃᑦ ᐅᖃᐅᓯᖏᒡᒎ ᑐᑭᖃᕐᓂᖅᓴᑦᑎᐊᖅ ᐅᑭᐅᖅᑕᖅᑐᒥ ᑕᐃᔅᓱᒥᖓᓕ ᖃᓪᓗᓈᑎᑐᕐᒥᑦ. ᐅᖃᖅᑐᓂᓗ, “ᑐᓴᓚᐅᖅᓯᒪᒐᒃᑭᑦ ᐊᑎᖏᑦ ᑕᖅᑮᑦ ᐃᓄᑦᑎᑦ ᐊᔅᓱᐊᓗᓪᓗ ᓈᒻᒪᑦᑐᒋᓚᐅᖅᓯᒪᔭᒃᑲ ᐃᓅᓯᕐᒧᑦ ᑕᒫᓂ.” (ᒪᑉᐱᒐᖅ 141). ᓄᐊᑦᑎᒍᒪᓕᓚᐅᖅᓯᒪᕗᕐᓕ ᐅᖃᐅᓯᑐᖃᕐᓂᑦ ᐅᖃᐅᓯᐅᕙᑦᑐᓂᒃ ᑕᖅᑭᓂᒃ, ᓯᓚᒥᑦ, ᐅᓪᓗᕆᐊᕐᓂᑦ, ᓇᑦᑎᐊᕐᓂᑦ ᓄᕐᕋᓂᓪᓗ.
ᐳᓃᑦ ᑰᑐ
ᐊᕐᓇᐃᑦ ᐱᑦᑕᐃᓕᔾᔪᑎᖏᑦ
ᐳᓃᑦ ᑐᓴᕈᒪᒧᑦ ᐊᕐᓇᐃᑦ ᐱᔾᔪᑎᒋᓪᓗᒋᑦ ᖃᐅᔨᓴᓕᓚᐅᖅᓯᒪᕗᖅ ᐱᑦᑕᐃᓕᔾᔪᓯᓂᒃ ᐊᕐᓇᓄᑦ. “ᓂᕈᐊᕆᓚᐅᖅᓯᒪᔭᕋ ᐊᕐᓇᓄᑦ ᒪᓕᒐᐃᑦ ᑕᐃᒪᐃᑦᑐᓂᒃ ᐱᖅᑯᓯᑐᖃᖏᓐᓂ ᐊᕐᓇᐃᑦ ᑐᓴᖃᑦᑕᐃᓐᓇᕈᒪᓯᒪᒐᒪ.” (ᒪᑉᐱᒐᖅ 148)
ᐃᓄᐃᑦ ᐊᕐᓇᖏᑦ ᕿᒥᕐᕈᖃᑦᑕᕆᐊᖃᓚᐅᖅᓯᒪᕗᑦ ᐱᑦᑕᐃᓕᔾᔪᓯᓂᒃ ᐊᖑᑎᓄᑦ. ᐳᓃᑦ ᑰᑐ ᐅᓂᒃᑳᖃᖅᑐᖅ ᐅᖃᐅᓯᐅᓚᐅᖅᓯᒪᔪᓂᒃ ᐊᕐᓇᓄᑦ ᐊᐱᖅᓱᕐᓂᖏᓐᓂ ᐃᓐᓇᕐᓂᑦ. ᑐᑭᓯᒍᒪᓚᐅᖅᓯᒪᒻᒪᑦ “ᓱᒻᒪᑦ ᐊᕐᓇᐃᑦ ᕿᒥᕐᕈᖃᑦᑕᕆᐊᖃᕐᓂᖅᓴᐅᓂᕐᒪᖔᑕ ᐊᖑᑏᑦ ᐱᓕᕆᐊᖏᓐᓂ.” (ᒪᑉᐱᒐᖅ 148) ᐊᐱᖅᑯᓯᖓ ᓱᓕ ᒫᓐᓇᒧᑦ ᑭᐅᔭᐅᓯᒪᓐᖏᑦᑐᒐᓗᐊᖅ, ᐅᓂᒃᑳᓕᐅᖅᓯᒪᕗᖅ ᐊᐱᖅᓱᕐᓂᐅᓚᐅᖅᑐᓂᒃ ᑐᓴᕈᒪᓂᖓᓐᓄᑦ.
ᔩᓂ ᓴᐃᒻᒪᐃᔪᖅ
ᓱᕈᓯᐅᑉ ᐃᓐᖏᐅᓯᖏᑦ
ᐃᓐᖏᐅᓯᑐᖃᐃᑦ ᐃᓄᓐᓄᑦ ᐊᖅᑐᖅᑕᐅᕙᓚᐅᖅᑯᑦ, ᐱᒻᒪᕆᐅᓪᓗᑎᒃ ᐱᖅᑯᓯᖏᓐᓄᑦ ᐊᓯᔾᔨᐸᓪᓕᐊᔪᓄᑦ. ᐱᓐᖑᐊᓂᒃᑰᒐᓗᐊᖅᑲᑦ, ᐃᖅᑲᓇᐃᔭᕐᓂᒃᑰᒐᓗᐊᖅᑲᑦ, ᐃᓕᓐᓂᐊᑎᑦᑎᓂᐅᒐᓗᐊᖅᑲᑦ ᓱᕈᓯᕐᓂᑦ, ᐅᓂᒃᑳᖅᑐᐊᒃᑯᑦ ᐃᓕᓐᓂᐊᑎᑦᑎᕙᓚᐅᖅᓯᒪᒻᒪᑕ. ᔩᓂ ᑕᒪᔅᓱᒥᖓ ᐅᓂᒃᑳᓕᐅᓚᐅᖅᑐᖅ. ᐱᓗᐊᖅᑐᒥᑦ ᓱᕈᓯᕐᓄᑦ ᐃᓐᖏᐅᓯᐅᕙᑦᑐᓂᒃ ᐅᓂᒃᑳᕆᓚᐅᖅᑕᖏᓐᓂ ᐃᓕᓴᐱᐅᑉ ᓴᐅᓪᓘᓪᓗ ᐊᐱᖅᓱᖅᑕᐅᓂᖏᓐᓂ.
ᔫᓕᐊ ᓴᐃᒻᒪᐃᔪᖅ
ᓄᑕᖅᑭᕆᓂᖅ
ᔫᓕᐊ ᐊᐱᖅᓱᖃᑦᑕᓚᐅᖅᑐᖅ ᖃᓄᖅ ᓱᕈᓰᑦ ᐃᓕᓐᓂᐊᖅᑎᑕᐅᕙᓐᓂᕐᒪᖔᑕ ᑕᐃᔅᓱᒪᓂ. ᑐᑭᓯᒍᒪᓚᐅᕐᖓᑦ ᖃᓄᖅ ᐃᓄᐃᑦ ᐃᓕᓐᓂᐊᑎᑦᑎᕙᓐᓂᕐᒪᖔᑕ ᕿᑐᕐᖓᖏᓐᓂ ᐊᔪᕆᖅᓱᐃᔨᑦᑕᖃᓚᐅᖅᑎᓐᓇᒍ ᐃᓕᓐᓂᐊᕐᕕᑕᖃᓚᐅᖅᑎᓐᓇᒍᓪᓘᓐᓃᑦ ᐅᑭᐅᖅᑕᖅᑐᒥ. ᐱᒻᒪᕆᐅᓂᖏᓐᓂ ᐅᓂᒃᑳᖃᖅᑐᓂ ᑕᑯᓐᓇᓂᕐᒥᑦ ᐃᓕᓐᓂᐊᖃᑦᑕᓂᕐᖓᑕ ᑕᑯᓐᓇᓐᖑᐊᖅᑐᑎᓪᓗ ᑭᓯᐊᓂᓕ ᐊᐱᖅᑯᓯᕆᔭᖓ ᐱᐅᓂᖅᓴᐅᓱᒋᓕᓚᐅᖅᑕᖓ ᐃᒫᖔᖅ ᐊᐱᕆᑉᐸᑦ “ᐃᓕᖃᑦᑕᓂᑦᑎᓐᓂ ᐊᖏᔪᖅᑳᑎᓐᓂ ᑕᑯᓐᓇᖅᑐᑕ ᓈᓚᑦᑐᑕᓗ.” (ᒪᑉᐱᒐᖅ 155)
ᒪᐃᓇ ᐃᓱᓪᓗᑕᖅ
ᓇᔾᔨᓂᖅ
ᐊᒥᓱᓂᒃ ᐱᑦᑕᐅᓕᖃᑦᑕᕆᐊᖃᓚᐅᖅᓯᒪᒻᒪᑕ ᓇᔾᔨᔪᑦ. ᒪᐃᓇ ᑕᒪᔅᓱᒥᖓ ᐅᓂᒃᑳᖃᓚᐅᖅᑐᖅ. ᓇᔾᔨᓂᕐᒥᑦ ᐅᓂᒃᑳᖃᕈᒪᓚᐅᖅᑐᖅ ᐅᐱᓐᓇᕋᓂ “ᐱᒻᒪᕆᐅᒻᒪᑦ ᐊᓯᖏᓐᓄᑦ ᖃᐅᔨᒪᔭᐅᓗᑎᒃ ᐱᖅᑯᓯᕆᒐᑦᑎᒍ ᐃᓕᖅᑯᓯᕆᓪᓗᑎᒍᓗ.” (ᒪᑉᐱᒐᖅ 158) ᐆᑦᑐᑎᒋᓗᒐ, ᑲᒥᖏᑦ ᐅᖏᕈᑎᑯᑖᖃᖃᑦᑕᕆᐊᖃᓚᐅᖅᓯᒪᓐᖏᒻᒪᑕ ᒥᑦᑎᐊᖓᓄᑦ ᕿᒥᐅᓯᖅᓯᒪᑦᑕᐱᐊᕐᖓᑦ. ᐊᒻᒪᓗ, ᐊᕐᓇᐃᑦ ᒥᑭᒐᖅᑐᕆᐊᖃᓚᐅᖅᓯᒪᓐᖏᑦᑐᑦ (ᓇᔾᔨᓂᖏᓐᓂ) ᐊᓪᓛᒃ ᐅᐃᖏᑦ ᑕᒪᑐᒥᖓ ᒪᓕᖃᑦᑕᕆᐊᖃᓚᐅᖅᓯᒪᔪᑦ.
ᓈᓐᓯ ᑭᓴ
ᒥᖅᓱᕆᐅᖅᓴᕙᓪᓕᐊᓂᖅ
ᐱᔭᔅᓴᓕᓪᓚᕆᐅᓪᓗᓂ ᐃᖅᑲᓇᐃᔮᒥᓂᒃ ᐃᓕᓐᓂᐊᕐᓂᒥᓂᓪᓗ, ᑭᖑᕚᕆᔭᐅᔪᑦ “ᒥᖅᓱᕈᓯᑐᖃᕐᓂᑦ” ᔭᒐᐃᕙᓪᓕᐊᓕᕐᖓᑕ ᒥᖅᓱᖃᑦᑕᓂᕐᒥᓪᓗ ᕿᓯᕐᓂᑦ ᐊᒥᕐᓂᓪᓗ. ᑕᐃᒪᐃᓐᓂᖓᓐᓄᑦ, ᐊᕐᓇᐃᑦ ᐱᓕᕆᐊᕆᖃᑦᑕᖅᑕᒥᓂᖏᑦ ᔭᒐᑉᐸᓪᓕᐊᕗᑦ. ᐊᒥᓲᓗᐊᓐᖏᑦᑐᑦ ᒥᖅᓱᖅᑭᓕᕐᖓᑕ. ᓈᓐᓂ ᐅᔾᔨᕈᓱᐸᓪᓕᐊᓕᓚᐅᖅᑐᖅ ᖃᖓᓪᓚᕆᒃᑯᑦ ᒥᖅᓱᕆᐅᕆᐊᖃᓪᓚᕆᒻᒪᖔᑕ ᐅᖃᖅᓯᒪᕙᓚᐅᓐᖏᑦᑐᑦ. ᐅᐊᑦᑎᐊᕈᓕ, ᓂᕕᐊᖅᓯᐊᖅ ᒥᖅᓱᕈᓐᓇᖅᑐᒋᔭᐅᓕᖅᑲᑦ ᒥᖅᓱᕆᐅᖅᓴᑎᑕᐅᖃᑦᑕᖅᑐᒥᓂᖅ. ᓯᕗᓪᓕᖅᐹᒥ ᐱᓕᒻᒪᓴᖅᑐᓂ ᐃᓅᔭᖏᑕ ᐊᓐᓄᕌᓐᖑᐊᖏᓐᓂ, ᐃᓕᑉᐸᓪᓕᐊᓕᖅᑐᓂ, ᐊᖏᓂᖅᓴᓂᒃ ᒥᖅᓱᖅᑎᑕᐅᖃᑦᑕᑦᑕᓕᖅᑯᖅ.
ᓲᓴᓐ ᐃᓄᐊᕋᖅ
ᖃᐅᒪᐅᖅ
ᓲᓴᓐ ᐱᕕᔅᓴᒥᓂᒃ ᐊᑐᖃᓱᓪᓚᕆᓕᓚᐅᖅᑯᖅ ᐊᐱᖅᓱᓂᕐᒥᓂ ᐃᓐᓇᕐᓂᑦ ᐊᑖᑕᑦᑎᐊᖓᑕ ᒥᔅᓵᓄᑦ ᑐᑭᓯᒋᐊᖅᑐᓂ, ᖃᐅᒪᐅᖅ. ᓄᐊᑦᑎᐊᖅᑐᒋᑦ ᑐᓴᖅᑕᖏᑦ ᐃᓐᓇᐃᑦ ᐃᖅᑲᐅᒪᔭᖏᓐᓂ, ᓲᕐᓗ ᐊᐅᓪᓚᖃᑦᑕᕐᓂᒥᓂᖓᓐᓂ, ᐃᓚᒌᑦ ᒪᒥᓴᖃᑦᑕᓂᖏᓐᓂ, ᓱᕈᓰᑦ, ᐊᓯᕙᕐᓂᖅ, ᓴᓐᖓᑦᑎᕙᓪᓕᐊᖃᑦᑕᕐᓂᖏᓐᓂᓪᓗ.